ಭಟ್ಕಳ: ಪಟ್ಟಣದ ಸೋನಾರಕೇರಿ ಪ್ರದೇಶದಲ್ಲಿನ ಜಂಬೂರಮಠ ಕೆರೆಯಲ್ಲಿ ಈಜಲು ಹೋದ ವಿದ್ಯಾರ್ಥಿಯೊಬ್ಬ ದುರಂತವಾಗಿ ಜೀವ ಕಳೆದುಕೊಂಡ ಘಟನೆ ಶನಿವಾರ ಬೆಳಿಗ್ಗೆ ನಡೆದಿದೆ.
ಮೃತನನ್ನು ಶಶಿಧರ ಯೋಗೇಶ್ ಮೊಗೇರ (ವಯಸ್ಸು ಸುಮಾರು 15 ವರ್ಷ) ಎಂದು ಗುರುತಿಸಲಾಗಿದೆ. ಅವರು ದಿ ನ್ಯೂ ಇಂಗ್ಲೀಷ್ ಶಾಲೆ, ಭಟ್ಕಳದ ದಶಮ ತರಗತಿಯ ವಿದ್ಯಾರ್ಥಿ ಎನ್ನಲಾಗಿದೆ.
ಪರೀಕ್ಷೆಯ ನಂತರ ಕೆಲವು ಸ್ನೇಹಿತರ ಜೊತೆ ಶಶಿಧರ ಕೆರೆಗೆ ಈಜಲು ತೆರಳಿದ್ದು, ಅಲ್ಲಿ ಆಕಸ್ಮಿಕವಾಗಿ ನೀರಿನಲ್ಲಿ ಮುಳುಗಿ ಪ್ರಾಣ ಕಳೆದುಕೊಂಡಿದ್ದಾರೆ ಎಂಬ ಪ್ರಾಥಮಿಕ ಮಾಹಿತಿ ಲಭ್ಯವಾಗಿದೆ.
ಸೋನಾರಕೇರಿಯ ಜಂಬೂರಮಠ ಕೆರೆಯ ತಳದಲ್ಲಿ ಅಂಟುಮಣ್ಣು ಹೆಚ್ಚು ಇರುವುದರಿಂದ ಈಜುವುದು ಅಪಾಯಕಾರಿಯಾಗಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ. ಈಜು ಬಾರದೇ ಶಶಿಧರ ಕೆಸರಿನಲ್ಲಿ ಸಿಲುಕಿ ಮೃತಪಟ್ಟಿರುವ ಶಂಕೆ ವ್ಯಕ್ತವಾಗಿದೆ.
ಮೃತ ವಿದ್ಯಾರ್ಥಿ ವೆಂಕಟಾಪುರದ ಟ್ಯಾಕ್ಸಿ ಚಾಲಕ ಯೋಗೇಶ್ ಮೊಗೇರ ಅವರ ಪುತ್ರ ಎಂದು ತಿಳಿದುಬಂದಿದೆ.
ಘಟನಾ ಸ್ಥಳಕ್ಕೆ ಭಟ್ಕಳ ನಗರ ಪೊಲೀಸ್ ಠಾಣೆಯ ಸಿಬ್ಬಂದಿ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಮೃತದೇಹವನ್ನು ಭಟ್ಕಳ ಸರ್ಕಾರಿ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದ್ದು, ಘಟನೆಯ ವಿಚಾರ ತಿಳಿದು ನೂರಾರು ಜನರು ಆಸ್ಪತ್ರೆಗೆ ಧಾವಿಸಿ ದುಃಖ ವ್ಯಕ್ತಪಡಿಸಿದ್ದಾರೆ.
ಭಟ್ಕಳದ ಸೋನಾರಕೇರಿಯ ಜಂಬೂರಮಠ ಕೆರೆಯಲ್ಲಿ ಈಜಲು ಹೋದ 10ನೇ ತರಗತಿ ವಿದ್ಯಾರ್ಥಿ ಶಶಿಧರ ಮೊಗೇರ ದುರ್ಘಟನೆಯಲ್ಲಿ ಸಾವನ್ನಪ್ಪಿದ ಘಟನೆ ಸ್ಥಳೀಯರಲ್ಲಿ ದುಃಖ ಸ್ಥಳೀಯರಲ್ಲಿ ಉಂಟುಮಾಡಿದೆ.
