*’ಮುಂದಿನ ಬಜೆಟ್ನಲ್ಲಿ ಪರಿಷ್ಕೃತ ವೇತನ ಘೋಷಣೆ, ರಾಜ್ಯ ಸರಕಾರಿ ನೌಕರರಲ್ಲಿ ಹೊಸ ನಿರೀಕ್ಷೆ”*
ರಾಜ್ಯ ಸರಕಾರಿ ನೌಕರರು ವೇತನ, ಭತ್ಯೆ ಪರಿಷ್ಕರಣೆ ನಿರೀಕ್ಷೆಯಲ್ಲಿದ್ದು, ಮುಂದಿನ ಬಜೆಟ್ನಲ್ಲಿ ಆಸೆ ಕೈಗೂಡುವ ಭರವಸೆ ಮೂಡಿದೆ. 3-4 ದಿನಗಳಲ್ಲಿ 7ನೇ ವೇತನ ಆಯೋಗ ರಚನೆ ಆದೇಶ ಹೊರಬೀಳಲಿದ್ದು, ಫೆಬ್ರವರಿ 2023ರ ಬಜೆಟ್ನಲ್ಲೇ ವೇತನ ಪರಿಷ್ಕರಣೆ ತೀರ್ಮಾನವನ್ನು ಬೊಮ್ಮಾಯಿ ಸರಕಾರ ಪ್ರಕಟಿಸುವ ನಿರೀಕ್ಷೆಯಿದೆ.
1. ವೇತನ, ಭತ್ಯೆ ಪರಿಷ್ಕರಣೆ ನಿರೀಕ್ಷೆಯಲ್ಲಿರುವ ರಾಜ್ಯ ಸರಕಾರಿ ನೌಕರರಿಗೆ ಬಜೆಟ್ನಲ್ಲಿ ಆಸೆ ಕೈಗೂಡುವ ಭರವಸೆ.
2. 3-4 ದಿನಗಳಲ್ಲಿ 7ನೇ ವೇತನ ಆಯೋಗ ರಚನೆ ಆದೇಶ ಹೊರಬೀಳುವ ಸಾಧ್ಯತೆ.
3. ಫೆಬ್ರವರಿ 2023ರ ಬಜೆಟ್ನಲ್ಲೇ ವೇತನ ಪರಿಷ್ಕರಣೆ ತೀರ್ಮಾನವನ್ನು ಬೊಮ್ಮಾಯಿ ಸರಕಾರ ಪ್ರಕಟಿಸುವ ನಿರೀಕ್ಷೆ.
*ವೇತನ, ಭತ್ಯೆ ಪರಿಷ್ಕರಣೆ ನಿರೀಕ್ಷೆಯಲ್ಲಿರುವ ರಾಜ್ಯ ಸರಕಾರಿ ನೌಕರರಿಗೆ ಮುಂದಿನ ಬಜೆಟ್ನಲ್ಲಿ ಆಸೆ ಕೈಗೂಡುವ ಸ್ಪಷ್ಟ ಭರವಸೆ ಮೂಡಿದೆ. 3-4 ದಿನಗಳಲ್ಲಿ 7ನೇ ವೇತನ ಆಯೋಗ ರಚನೆ ಆದೇಶ ಹೊರಬೀಳಲಿದ್ದು, ಫೆಬ್ರವರಿ 2023ರ ಬಜೆಟ್ನಲ್ಲೇ ವೇತನ ಪರಿಷ್ಕರಣೆ ತೀರ್ಮಾನವನ್ನು ಸರಕಾರ ಪ್ರಕಟಿಸುವ ನಿರೀಕ್ಷೆಯಿದೆ.*
*ಸಿಎಂ ಬೊಮ್ಮಾಯಿ ಕಳೆದ ಬಜೆಟ್ನಲ್ಲಿ ಪ್ರಕಟಿಸಿದ್ದಂತೆ ಆಯೋಗ ರಚನೆಗೆ ಸಮ್ಮತಿಸಿದ್ದಾರೆ. ಈ ಸಂಬಂಧ ರಾಜ್ಯ ಸರಕಾರಿ ನೌಕರರ ಸಂಘದ ಪದಾಧಿಕಾರಿಗಳು ಅಧ್ಯಕ್ಷ ಷಡಕ್ಷರಿ ನೇತೃತ್ವದಲ್ಲಿ ಭಾನುವಾರ ಸಿಎಂ ಭೇಟಿ ಮಾಡಿದ್ದರು. ಈ ಸಂದರ್ಭದಲ್ಲಿ ಚರ್ಚೆಯಿಂದ ಈ ನಿರೀಕ್ಷೆ ಮೂಡಿದೆ. ನಿವೃತ್ತ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿಯೊಬ್ಬರ ಅಧ್ಯಕ್ಷತೆಯಲ್ಲಿ ಆಯೋಗ ರಚನೆಗೆ ತೀರ್ಮಾನಿಸಲಾಗಿದೆ.*
*”ಆಯೋಗದಿಂದ ಮಧ್ಯಂತರ ವರದಿ ಪಡೆದು ಫೆಬ್ರವರಿ ತಿಂಗಳಲ್ಲಿ ಮಂಡನೆಯಾಗಲಿರುವ ಬಜೆಟ್ನಲ್ಲೇ ವೇತನ ಪರಿಷ್ಕರಣೆ ತೀರ್ಮಾನ ಪ್ರಕಟಿಸಲು ಸರಕಾರ ಬಯಸಿದೆ. ವಿಧಾನಸಭೆ ಚುನಾವಣೆ ನೀತಿ ಸಂಹಿತೆಗೂ ಮುನ್ನ ಪರಿಷ್ಕೃತ ವೇತನದ ನಿರೀಕ್ಷೆ ಕೈಗೂಡುವುದು ನಿಶ್ಚಿತ,” ಎಂದು ಸಂಘದ ಅಧ್ಯಕ್ಷ ಷಡಕ್ಷರಿ ‘ವಿಕ’ಗೆ ತಿಳಿಸಿದರು.*
*ಮೂಲ ವೇತನದೊಂದಿಗೆ ತುಟ್ಟಿ ಭತ್ಯೆ (ಡಿಎ) ಸೇರಿಸಿ ಅದರ ಆಧಾರದಲ್ಲಿ ವೇತನ ಪರಿಷ್ಕರಣೆ ಮಾಡಬೇಕು ಎಂಬುದು ನೌಕರರ ಸಂಘದ ಬೇಡಿಕೆ. ಈ ಮೂಲಕ ಮೂಲವೇತನದ ಶೇ. 40ರಷ್ಟು ವೇತನ ಹೆಚ್ಚಳ ನಿರೀಕ್ಷಿಸಲಾಗಿದೆ. 2022ರ ಜುಲೈ 1ರಿಂದ ವೇತನ ಪರಿಷ್ಕರಣೆಯಾಗಬೇಕು ಮತ್ತು 2023ರ ಏಪ್ರಿಲ್ 1ರಿಂದ ಆರ್ಥಿಕ ಅನುಕೂಲ ಸಿಗಬೇಕು ಎಂಬುದು ನಮ್ಮ ಬೇಡಿಕೆ. ಇದಕ್ಕೆ ಸಿಎಂ ಕಡೆಯಿಂದ ಸ್ಪಂದನೆಯ ಭರವಸೆಯೂ ಸಿಕ್ಕಿದೆ,” ಎಂದು ಷಡಕ್ಷರಿ ತಿಳಿಸಿದರು.*
*ಸಿಎಂ ಬಸವರಾಜ ಬೊಮ್ಮಾಯಿ ಅವರು ಜಿಲ್ಲಾ ಪ್ರವಾಸದಿಂದ ಮರಳಿದ ಬಳಿಕ 7ನೇ ವೇತನ ಆಯೋಗ ರಚನೆ ಆದೇಶ ಹೊರಬೀಳಲಿದೆ. ನಾಲ್ಕು ತಿಂಗಳಲ್ಲಿ ವರದಿ ಪಡೆದು ಬಜೆಟ್ನಲ್ಲಿ ವೇತನ ಪರಿಷ್ಕರಣೆ ತೀರ್ಮಾನ ಹೊರಬೀಳುವ ಖಚಿತ ವಿಶ್ವಾಸವಿದೆ ಎಂದು ಕರ್ನಾಟಕ ರಾಜ್ಯ ಸರಕಾರಿ ನೌಕರರ ಸಂಘದ ಅಧ್ಯಕ್ಷ ಸಿ.ಎಸ್.ಷಡಕ್ಷರಿ ಹೇಳಿದ್ದಾರೆ.*
*ಕಾಲಮಿತಿಯಲ್ಲೇ ಸ್ಪಂದನೆ:-*
*ಪ್ರತಿ 5 ವರ್ಷಗಳಿಗೊಮ್ಮೆ ವೇತನ ಆಯೋಗ ರಚನೆ ಮಾಡಲಾಗುತ್ತದೆ. ಬೆಲೆ ಏರಿಕೆ, ಕೇಂದ್ರ ಮತ್ತು ಬೇರೆ ರಾಜ್ಯಗಳಲ್ಲಿನ ವೇತನ ಪರಿಷ್ಕರಣೆ ಮತ್ತಿತರ ಅಂಶಗಳನ್ನು ಪರಿಶೀಲಿಸಿ ಆಯೋಗವು ವೇತನ ಪರಿಷ್ಕರಣೆಗೆ ಶಿಫಾರಸು ಮಾಡುತ್ತದೆ. ಆದರೆ, ಹಿಂದೆಲ್ಲಾ ಆರೇಳು ವರ್ಷಗಳು ಕಳೆದರೂ ವೇತನ ಆಯೋಗಗಳು ರಚನೆಯಾಗುತ್ತಿರಲಿಲ್ಲ. ಆದರೆ, ಈ ಸಲ 5 ವರ್ಷಗಳ ಕಾಲಮಿತಿಯೊಳಗೇ ಆಯೋಗ ರಚನೆಯಾಗುತ್ತಿದೆ. ಈ ಹಿಂದೆ 2018ರ ವಿಧಾನಸಭೆ ಚುನಾವಣೆಗೆ ಮುನ್ನ ಅಂದಿನ ಸಿಎಂ ಸಿದ್ದರಾಮಯ್ಯ ಅವರು ವೇತನ ಆಯೋಗದ ವರದಿ ಪಡೆದು, ಅನುಷ್ಠಾನ ಆದೇಶ ಹೊರಡಿಸಿದ್ದರು. ಈಗಲೂ, ಹಾಲಿ ಸಿಎಂ ಬೊಮ್ಮಾಯಿ ಸರಕಾರದ ಅವಧಿಯಲ್ಲೇ 7ನೇ ವೇತನ ಆಯೋಗದ ವರದಿ ನಿರೀಕ್ಷಿತ ಹಾಗೂ ಅನುಷ್ಠಾನಕ್ಕೆ ಬರುವುದೂ ಖಚಿತ ಎಂಬ ವಿಶ್ವಾಸವನ್ನುನೌಕರರ ಸಂಘ ವ್ಯಕ್ತಪಡಿಸಿದೆ.*
*13 ಲಕ್ಷ ಕುಟುಂಬಗಳಿಗೆ ಅನುಕೂಲ:-*
*ನೂತನ ವೇತನ ಆಯೋಗ ರಚನೆ ಹಾಗೂ ವರದಿ ಪಡೆದು ವೇತನ ಪರಿಷ್ಕರಣೆ ಮಾಡುವುದರಿಂದ ಸುಮಾರು 5.20 ಲಕ್ಷ ಸರಕಾರಿ ನೌಕರರು, 3.5 ಲಕ್ಷದಷ್ಟು ನಿಗಮ, ಮಂಡಳಿ ಮತ್ತು ಪ್ರಾಧಿಕಾರಗಳ ನೌಕರ ವರ್ಗ ಹಾಗೂ 4.5 ಲಕ್ಷ ನಿವೃತ್ತ ಸರಕಾರಿ ನೌಕರರಿಗೆ ಅನುಕೂಲವಾಗುವ ನಿರೀಕ್ಷೆಯಿದೆ.*
