ಭಟ್ಕಳ ಸಹಾಯಕ ಆಯುಕ್ತರ ನೇತೃತ್ವದಲ್ಲಿ ಸರಾಗವಾಗಿ ನಡೆದ ಭಟ್ಕಳ ಪುರಸಭೆ ವಾಣಿಜ್ಯ ಮಳಿಗೆಯ ಹರಾಜು ಪ್ರಕ್ರಿಯೆ
ಭಟ್ಕಳ: ಪಟ್ಟಣದ ಪುರಸಭೆ ಮಾಲೀಕತ್ವದ 21 ಅಂಗಡಿ- ಮಳಿಗೆಗಳಲ್ಲಿ 17 ಅಂಗಡಿಗಳ ಮುಂದಿನ 12 ವರ್ಷಗಳ ಅವಧಿಗಾಗಿ ಹರಾಜು ಪ್ರಕ್ರಿಯೆಯು ಪೊಲೀಸ್ ಬಂದೋಬಸ್ತ್ತ್ನಲ್ಲಿ ಉಪವಿಭಾಗಾಧಿಕಾರಿ ಡಾ.ನಯನಾ ಅಧ್ಯಕ್ಷತೆಯಲ್ಲಿ ಸರಾಗವಾಗಿ ನಡೆಯಿತು.
ಫೆಬ್ರವರಿಯಲ್ಲಿ ನಡೆಯಬೇಕಿದ್ದ ಹರಾಜು ಪ್ರಕ್ರಿಯೆಯನ್ನು ಪುರಸಭೆ ಮುಂದೂಡಿತ್ತು. ಇದರಿಂದ ಅಸಮಾಧಾನಗೊಂಡಿದ್ದ ಅಂಗಡಿಕಾರರು ಪುರಸಭೆ ಎದುರು ಅಂದು ಪ್ರತಿಭಟನೆ ನಡೆಸಿದ್ದರು. ಸೋಮವಾರ 17 ಅಂಗಡಿಗಳು ಹರಾಜು ನಡೆದು, ಎರಡು ಅಂಗಡಿಗಳಿಗೆ ಇಬ್ಬರು ಮಾತ್ರ ಬಿಡ್ ಮಾಡಿದ್ದರಿಂದ ಪ್ರತಿಸ್ಪರ್ಧಿ ಬಿಡ್‌ದಾರರು ಇಲ್ಲದ ಕಾರಣ ಆ ಅಂಗಡಿಗಳ ಹರಾಜು ಪ್ರಕ್ರಿಯೆ ಮುಂದೂಡಲಾಯಿತು. ಪುರಸಭಾ ಮುಖ್ಯಾಧಿಕಾರಿ ನೀಲಕಂಠ ಮೆಸ್ತಾ, ಮ್ಯಾನೇಜರ್ ವೆಂಕಟೇಶ ಮಂತಾದವರು ಉಪಸ್ಥಿತರಿದ್ದರು.
