ಶತಮಾನೋತ್ಸವ ಅಂಗವಾಗಿ ಅಂಜುಮನ್ ಹಳೆ ವಿದ್ಯಾರ್ಥಿಗಳ ದಿನ ಮತ್ತು ಸದಸ್ಯತ್ವ ನೋಂದಣಿ ಅಭಿಯಾನ
ಭಟ್ಕಳ: ಅಂಜುಮನ್ ಹಾಮಿ-ಎ-ಮುಸ್ಲಿಮಿನ್ ಶಿಕ್ಷಣ ಸಂಸ್ಥೆಯ ಶತಮಾನೋತ್ಸವ ಆಚರಿಸಿಕೊಳ್ಳುತ್ತಿರುವ ಈ ಸಂದರ್ಭದಲ್ಲಿ ಅಂಜುಮನ್ ಶಿಕ್ಷಣ ಸಂಸ್ಥೆಗಳಲ್ಲಿ ಅದ್ಯಾಯನ ಮಾಡಿದ ಹಳೆ ವಿದ್ಯಾರ್ಥಿಗಳ ಸದಸ್ಯತ್ವ ನೋಂದಣಿ ಅಭಿಯಾನ ಆರಂಭಗೊAಡಿದ್ದು ಗಲ್ಫ್ ಸೇರಿದಂತೆ ದೇಶದ ವಿವಿಧ ನಗರಗಲ್ಲಿ ಈ ಅಭಿಯಾನ ವೇಗ ಪಡೆದುಕೊಳ್ಳುತ್ತಿದೆ ಎಂದು ಅಂಜುಮನ್ ಹಳೆ ವಿದ್ಯಾರ್ಥಿ ದಿನಾಚರಣೆ ಸಮಿತಿಯ ಸಂಚಾಲಕ ಮುಹಮ್ಮದ್ ಅಶ್ಫಾಕ್ ಸಾದಾ ತಿಳಿಸಿದ್ದಾರೆ.
ಈ ಕುರಿತಂತೆ ಮಾಹಿತಿ ನೀಡಿದ ಅವರು, ಅಂಜುಮನ್ ಸಂಸ್ಥೆಯ ಶತಮಾನೋತ್ಸವದ ಸಮಾರೋಪ ಸಮಾರಂಭ ಡಿ.೨೮ರಂದು ನಡೆಯಲಿದ್ದು, ಮರುದಿನ ಡಿ.೨೯ರಂದು ಅಂಜುಮನ್ ಹಳೆ ವಿದ್ಯಾರ್ಥಿಗಳ ದಿನಾಚರಣೆ ನಡೆಯಲಿದೆ ಎಂದೂ ತಿಳಿಸಿದರು.
ಭಟ್ಕಳದ ಅಂಜುಮನ್ ಸಂಸ್ಥೆಯ ಯಾವುದೇ ಶಾಲೆ ಅಥವಾ ಕಾಲೇಜಿನಲ್ಲಿ ಕನಿಷ್ಠ ಒಂದು ವರ್ಷ ಅಧ್ಯಯನ ಮಾಡಿದವರನ್ನು ಅಂಜುಮನ್ ಹಳೆಯ ವಿದ್ಯಾರ್ಥಿಗಳು ಎಂದು ಕರೆಯಲಾಗುವುದು. ಪ್ರಸ್ತುತ ಅಂಜುಮನ್ ಹಳೆಯ ವಿದ್ಯಾರ್ಥಿಗಳ ಸದಸ್ಯತ್ವ ನೋಂದಣಿ ಅಭಿಯಾನವು ಗಲ್ಫ್ ನಗರಗಳು ಸೇರಿದಂತೆ ದೇಶದ ವಿವಿಧ ನಗರಗಳಲ್ಲಿ ವೇಗವಾಗಿ ನಡೆಯುತ್ತಿದ್ದು, ಅಂಜುಮನ್ನಲ್ಲಿ ಪದವಿ ಪಡೆದವರನ್ನು ಸದಸ್ಯತ್ವ ನಮೂನೆಯ ಮೂಲಕ ನೋಂದಾಯಿತ ಸದಸ್ಯರನ್ನಾಗಿ ಮಾಡಲಾಗುತ್ತಿದೆ.
ಅಂಜುಮನ್ ಹಳೆವಿದ್ಯಾರ್ಥಿ ದಿನಾಚರಣೆ ನಿಮಿತ್ತ ವಿವಿಧ ಕಾರ್ಯಕ್ರಮಗಳನ್ನು ಏರ್ಪಡಿಸಲಾಗುತ್ತಿದ್ದು, ಅತಿಥಿಗಳ ಬಗ್ಗೆ ಇನ್ನೂ ಅಂತಿಮ ನಿರ್ಧಾರ ಕೈಗೊಂಡಿಲ್ಲ ಎಂದು ಮಾಹಿತಿ ನೀಡಿದರು.
ಅಂಜುಮನ್ ಹಳೆವಿದ್ಯಾರ್ಥಿ ದಿನಾಚರಣೆಯ ಉಪ ಸಂಚಾಲಕ ಜಾವೇದ್ ಹುಸೇನ್ ಅರ್ಮಾರ್ ಮಾತನಾಡಿ, ಅಂಜುಮಾನ್ ಸಂಸ್ಥೆಯಲ್ಲಿ ವಿದ್ಯಾಭ್ಯಾಸ ಮಾಡಿದವರು ಜಗತ್ತಿನ ಮೂಲೆ ಮೂಲೆಯಲ್ಲೂ ಇದ್ದಾರೆ, ಈ ಬಾರಿ ಅವರನ್ನು ಒಂದೇ ವೇದಿಕೆಗೆ ಕರೆತರುವ ಪ್ರಯತ್ನ ಮಾಡಲಾಗುತ್ತಿದೆ. ಸದಸ್ಯತ್ವ ಅಭಿಯಾನದ ಮೂಲಕ ಅವರನ್ನು ಹತ್ತಿರಕ್ಕೆ ತರಲು ಪ್ರಯತ್ನಿಸಲಾಗುತ್ತಿದೆ. ಹಳೆಯ ವಿದ್ಯಾರ್ಥಿಗಳ ಸಂಘವನ್ನು ಬಲಿಷ್ಠ ಮತ್ತು ಸುಸ್ಥಿರವಾಗಿಸಲು ಅಂಜುಮನ್ ಹಳೆಯ ವಿದ್ಯಾರ್ಥಿಗಳ ಶಾಶ್ವತ ಕಚೇರಿ ತೆರೆಯಲು ಯೋಜಿಸಲಾಗಿದೆ ಎಂದರು.
ಅಂಜುಮನ್ ಸಂಸ್ಥೆಯಡಿ ಏಳು ಪ್ರಾಥಮಿಕ ಮತ್ತು ಐದು ಪ್ರೌಢಶಾಲೆಗಳು ಸೇರಿದಂತೆ ಒಟ್ಟು ೨೦ ಶಿಕ್ಷಣ ಸಂಸ್ಥೆಗಳು ಭಟ್ಕಳದಲ್ಲಿ ನಡೆಯುತ್ತಿವೆ, ಇದರಲ್ಲಿ ಎಂಜಿನಿಯರಿAಗ್, ಎಂಎ, ಬಿಎಡ್, ಎಂಬಿಎ, ಪದವಿ ಸೇರಿದಂತೆ ಎಲ್ಲಾ ರೀತಿಯ ಕಾಲೇಜುಗಳು ಸೇರಿವೆ. ಇಲ್ಲಿಯವರೆಗೆ, ಲಕ್ಷಾಂತರ ಜನರು ಈ ಸಂಸ್ಥೆಯಿAದ ಶಿಕ್ಷಣ ಪಡೆದು ವಿಶ್ವದ ವಿವಿಧ ದೇಶಗಳಲ್ಲಿ ಹರಡಿದ್ದಾರೆ. ಯುನೈಟೆಡ್ ಸ್ಟೇಟ್ಸ್, ಆಸ್ಟ್ರೇಲಿಯಾ, ಲಂಡನ್, ದುಬೈ, ಸೌದಿ ಅರೇಬಿಯಾ ಮತ್ತು ಇತರ ಗಲ್ಫ್ ನಗರಗಳಲ್ಲಿ ಅನೇಕರು ಪ್ರಮುಖ ಹುದ್ದೆಗಳನ್ನು ಹೊಂದಿದ್ದಾರೆ ಎಂದು ಮಾಹಿತಿ ನೀಡಿದರು.